İngiltərənin "Arsenal" klubu yarımmüdafiəçisi Kristian Beliki "Derbi Kaunti"yə satıb. Matc.az xəbər verir ki, bu barədə İngiltərə çempionşip təmsilçisinin rəsmi saytı məlumat yayıb.
Polşalı oyunçu ilə 5 illik müqavilə imzalanıb. Britaniya mətbuatı "Derbi Kaunti"nin bu transfer üçün 10 milyon avro təzminat ödədiyini yazıb.
21 yaşlı dayaq yarımmüdafiəçisi 2015-ci ildə yetirməsi olduğu Varşava "Legiya"sından "Arsenal"a transfer olunmuşdu. Amma o, London klubunun əsas komandasında heç vaxt oynamayıb. Əvəzində bu müddət ərzində "Birmingem Siti", "Uolsoll" və "çarlton Atletik" klublarında icarədə oynayıb.